وزنك ثابت له فترة ! تعالي أقلك السبب :
غالبا نظامك الغذائي غير صحي، ممكن تكتفين بوجبة وحدة باليوم والباقي سناكات، أو ممكن تاكلين ثلاث أو اربع وجبات باليوم لكنها فقيرة بالقيمة الغذائية.
لو تسوي كذا ! ضروري توقفي وترتبي وجباتك على مدار اليوم بحيث تاخذي كفايتك من الأكل، لأنك لما تاكل أقل من احتياجك اليومي ، فجسمك يبدأ يدافع عن نفسه ويخزن الدهون لأنه بيحس أنك تجوعينه.
ثانيا : ضروري تحسبي سعراتك وتحسبي نسبة البروتين والكربوهيدرات والدهون الصحية في أكلك، وضروري قبل هذا كله تعرفي احتياج جسمك من هذه العناصر لأن كل جسم احتياجه مختلف.
السؤال المهم : هل ثبات الوزن في الميزان كافي عشان نحكم أنه في شي غلط ؟
لا ، ضروري الوزن يكون ثابت ف الميزان وبالقياس بالمتر، لأنه أحيانا الوزن يكون ثابت لكن قياسات الجسم بالمتر جالسة تنزل فهنا نعرف اننا ماشيين صح، لكن متى نعرف انه في شي غلط ؟ اذا كانت القياسات ثابتة في الميزان والقياسات بالمتر.
كيف نكسر ثبات الوزن ؟
- إعادة تقييم حاجة الجسم من السعرات الحرارية
- تناول حاجة الجسم من البروتين والألياف.
- تناول البكتيريا النافعة (البروبيوتيك) وتوجد في الألبان والعجينة المخمرة والملفوف المخلل
- الاكثار من شرب الماء.
- اتباع أحد أنظمة الصيام المتقطع.
- زيادة معدل الحركة على مدار اليوم.
- اتباع برنامج رياضي أو تعديل\تغيير البرنامج الرياضي الخاص بك.
- النوم الجيد.
- حساب السعرات على مدار اليوم.
خلاصة الموضوع : لو مشينا على نظام صحي ومتوازن راح نشوف النتيجة بعد أسبوع أو 15 يوم، ومن هنا لازم نحسب احتياجنا وسعراتنا اليومية وتقدري تحسبيها من هنا ، عشان نقدر نحط خطة غذائية نخسر فيها الدهون نحافظ على الكتلة العضلية والفيتامينات والمعادن